گۆشه‌ی ژوور پڕه له ته‌نهایی خۆم و هه‌ر شه‌وێکم یه‌ڵدایه‌که بێ مه‌حفه‌لی عه‌شق
حه‌زی ڕۆشتن له ده‌روونما سه‌ڕاڕێژ بووه،به‌ڵام نازانم بۆ کوێ بڕۆم؟
ئه‌ی خۆدایا میهری ئه‌م ته‌نهاییه‌ی من چ خولیایه‌که، که زه‌ڕه زه‌ڕه‌ی وجوودم وه‌ک خووره ده‌خوا و
مێشکم به بزه‌یه‌کی شیرینی سه‌ر لێو ئه‌سیر ده‌کا
چه‌ند شه‌وێکه وه‌سوه‌سه‌ی سه‌فه‌ر حه‌زێکی شێتانه‌ی له ده‌روونما پێکهێناوه،نازانم
ئه‌مجاره‌یان به‌ره‌و چ سه‌رابێکم ده‌با،
به‌ره‌و کامه مه‌ئوا دوورم ده‌کا له هه‌موو که‌س و ناکه‌سێک
...
نازانم بۆچی ده‌ڵێن پێ له‌و گڕه‌ی ده‌روونت بنێ
کاتێک سه‌رکه‌شییه‌که‌ی وه‌کوو بارانێک هه‌موو جه‌سته‌م ته‌ڕده‌کا
له هه‌موو ویست و
خواست و
ئاره‌زووێک....
ئاخ حه‌زی سه‌فه‌ر هێنده جوانه که هه‌ست به ژین ناکه‌م
ژینێک که پێناسه‌که‌ی ده‌نکه ئه‌ڵماسه‌کانی دیده‌م و
گۆنا ته‌ڕ بووه‌کانما به بارانی ناپاکی
ئا ه ه ه ه ه ه ه ه ه ه ه ه ه ه ه ه ه ه ه ه ه ه ه
ده‌ڕۆم و له زه‌ریای بیرما وون ده‌بم
خولیاکانی سه‌فه‌ر ده‌ستپێکه‌رێکی ناکۆتایی ده‌بێ بۆم
ده‌ستپێکه‌رێکی ناکۆتایی بۆ ئه‌م دڵه بێ ئۆقره‌یه‌م که ده‌ستی له ناز کێشاوه
و له ژێر لێوا چیرۆکی عه‌شقێکی بێ ئاکام
ده‌لێته‌وه