Free Cursors
هه‌نیسک;
هه‌نیسک
torsdag, juni 22, 2006
تۆ به‌ نه‌سیمی به‌هاری
به‌ بۆنی گوڵه‌باخه‌کان
به‌ ده‌نگی سێحراوی باڵی که‌وه‌کان
تۆ به‌ هه‌ناسه‌ی ته‌ڕو پاکی په‌ڕه‌ی گوڵ
به‌ میهره‌بانی باران
تۆ له‌و سه‌ری زۆڵمه‌ت
له‌ گه‌ڵ ده‌سته‌یه ک په‌روانه‌
به‌ پشکۆتنی باخه‌ بچوکه‌که‌م که‌ مه‌سته‌ به‌ بۆنی تۆ
تۆ ئه‌ی ئارامی گیانم
ده‌گه‌ڕێیته‌وه‌
ده‌گه‌ڕێیه‌وه‌ ناو ده‌رون و جه‌سته‌م
دووباره‌ ده‌سته‌ جوانه‌کانت له‌ نێو ده‌ستما ده‌بینم
دووباره‌ هه‌ست به‌ بوونت ده‌که‌م
دووباره‌ به‌ نیگاکانت هه‌ست به‌ گوناهه‌کانم ده‌که‌م ،به‌ڵآم له‌ هه‌مان کاتا هه‌ست به‌ دڵنیایی ده‌که‌م
دڵنیاییه‌ک که‌ که‌سی تر پێم نابه‌خشێ تۆ نه‌بی
ئه‌ی تاقانه‌ترین هاوده‌م وه‌ره‌وه‌
وه‌ره‌وه‌ که‌ به‌ڕاستی بیرت ده‌که‌م
بیری ده‌نگه‌ به‌سۆزه‌که‌ت
پێکه‌نینه‌ سێحراوییه‌که‌ت
به‌س ئه‌وه‌نده‌ نه‌بێ هیچیتر تۆ رۆیشتی کوێرت کردم،هیچ جوانییه‌ک نابینم
بێ تۆ نه‌ گوێم له‌ ده‌نگی بولبوله‌ و نه‌ گوڵه‌باخه‌کان ده‌بینم
بێ تۆ من کوێرێکم ،هیچ جوانیه‌ک نابینم
بیری ده‌که‌م تۆخوا وه‌ره‌
باشه‌ بۆ تۆ منت جێ هێشت؟
ئه‌ی من بۆ کێ قسه‌ بکه‌م؟ده‌ردی دڵم بۆ کێ بکه‌م؟
تۆ ڕۆیشتی و من مامه‌وه‌
ته‌نهای ته‌نها له‌ گه‌ڵ کۆڵێک فرمێسک و ژان
وه‌ره‌ تۆخوا
قه‌ڵه‌م بگره‌ به‌ ده‌سته‌وه‌
بنوسه‌ بۆم
بڵێ پێم که‌ جێگات خۆشه‌
بڵێ پێم که‌ تۆ ئازادی
بڵێ پێم که‌ خه‌مت نیه‌ ته‌نها خه‌مت دووری منه‌
تۆخوا وه‌ره‌
بگه‌ڕێوه‌
بیرت ده‌که‌م بێده‌نگ مه‌به‌
چاوه‌ڕێتم،تۆ نه‌هاتی ئه‌مجار من دێم
دڵنیا به‌ وه‌کو شێتێک به‌ ناو کوچه‌و کۆڵانه‌کانی خه‌یاڵم
به‌ره‌و لات دێم
خۆشم ده‌وێی بیرت ده‌که‌م