Free Cursors
هه‌نیسک;
هه‌نیسک
måndag, november 07, 2005
به‌ مه‌رگ ده‌مناسن،به‌ مه‌رگ بانگم ده‌که‌ن
مه‌رگ له‌ منا ئه‌ژی، له‌ پێکانم که‌ توانای رۆشتنیان نه‌ماوه
له‌ به‌شه‌ نادیاره‌کانی جه‌سته‌م، له‌ ناو دڵما سه‌قامگیربووه
مه‌رگ ناوی دووهه‌می منه‌ ،به‌ ناوی بچوکم بانگم که‌ن
ناوی بچوکی من مه‌رگه‌ و وه‌کو ئاو وه‌ک دایک وه‌ک
خه‌ونێکی ئه‌به‌دی میهره‌بانه‌
ئه‌زانم رۆژێک دێت
گه‌رچی که‌مێ دره‌نگ به‌ڵام دێت
بۆ شوێنێکم ئه‌با که‌ نازانم....نازانم کوێیه
مه‌رگ دێ و من ئه‌رۆم
له‌ ژووره‌که‌م ئه‌رۆم ،له‌ سه‌ر ته‌خته‌ داریه‌ یه‌ک نه‌فه‌ره‌که‌م ئه‌رۆم و
که‌وشه‌کانم له ژێر ته‌خته‌که‌ما جێ دێڵم
جله‌کانم و ئاوێنه‌که‌م به‌ ئاوێزانی جێ دێڵم
ئاخ که‌ خۆشه‌ مه‌رگ
دوووووووور ده‌بم
له‌ شه‌و و ئه‌ستێره‌ و خه‌یاڵ له‌ شیعر و خولیا
له‌ تۆ دووووور ده‌بم
ڕه‌نگه‌ ڕۆژێ
له‌ گه‌ڵای دار هه‌نجیرێ که‌ میهره‌بانترین گه‌ڵای دونیایه‌
سه‌یری کچانێ بکه‌م که له‌ ژووره‌که‌ما پیر ده‌بن
‌‌