Free Cursors
هه‌نیسک;
هه‌نیسک
tisdag, juni 26, 2012
Im Back !!!!!!!
Amn hatemawa, mawaki zora nahatima blog, shewayma nazanm ch bnusem ha hata la birem kerdia ba fonti kurdish bnusem bzanm chaki nakamawa bas gotem ba blem ka hatmawa lawanaya sheeru shti wa nanusem idi bas aw shtanay ka law 3 sala krditm hndaki bas dakam lotan ...
måndag, maj 18, 2009



بیر له‌ تۆ ده‌که‌م تۆیه‌ک که‌ هه‌موو گۆشه‌و که‌ناری دڵمت داگیری عه‌شقی خۆت کردووه‌

بیر له‌ تۆ ده‌که‌م که‌ به‌ نیگایه‌ک نوور ده‌به‌خشی به‌ شه‌وانی تارم

بیر له‌ تۆ ده‌که‌م تۆیه‌ک پڕی له‌ مانای هه‌ست و جوانی

ترپه‌ی دڵمی

تۆ له‌ لام نیت، ئه‌گه‌ر له‌ پاڵیشم بایت دیسان بیرم له‌ تۆ ده‌کرده‌وه‌

نامه‌وێت شاری بیره‌وه‌رییه‌کانم جێ بهێلم چونکه‌ خاوه‌نی تۆیت و عه‌شقی تۆیه‌

بیر له‌ تۆ ده‌که‌م

بڕیارم دا که‌ ده‌ریای دڵم به‌ تۆفانی عه‌شقێکیدی بسپێرم

ئاسمانی چاوه‌کانم به‌خشی به‌ هه‌ور و با

ئاخ که‌ له‌ کۆتایی دیسان عه‌شقی تۆ ده‌ریای تۆفانی دڵم و ئاسمانی هه‌وری چاوه‌کانمی مات و ئارام کرد

دیسان بیر له‌ تۆ ده‌که‌م

دڵم ته‌سلیمی عه‌شقت ده‌که‌م

ده‌زانم کۆچت کرد و ماڵت نا دیار

بیر له‌ تۆ ده‌که‌م چۆن دونیای دڵی من هه‌ر تۆی

ڕۆژ و شه‌و ، ڕه‌ش و سپی، خه‌م و شادی هه‌موو هه‌ر تۆی

بیر له‌ تۆ ده‌که‌م

چاو له‌ کۆتایی سه‌فه‌ری عه‌شق ده‌که‌م که‌ ته‌نها خه‌یاڵی من، له‌ من و له‌ تۆ پێکهاتنی ئێمه‌یه‌
tisdag, maj 12, 2009

ئاره‌زووه‌کانم له‌ ژێر مشتێ خۆڵمێش هێشتا هه‌ناسه‌ ده‌ده‌ن

هێشتا ده‌سوتێن

نه‌سیمی میهره‌بانیت که‌ی ده‌گاته‌ لام ئه‌ی یار؟؟

تۆ چیت له‌ من کرد ئه‌ی عه‌شق؟؟

ده‌مه‌وێت بنوسم به‌ڵام له‌ چی؟له‌ کێ؟ بۆ کێ؟؟؟

ئه‌وا جه‌سته‌م چاوه‌ڕێی تێپه‌ربوونی ساته‌کانه‌ به‌ڵام بۆ بیستنی چ وشه‌یه‌ک؟؟؟

ده‌مه‌وێت له‌ تۆ بنوسم

له‌ نه‌هاتن و بڕیاری ڕۆشتنت

ده‌مه‌وێت بنووسم به‌ڵام ده‌سته‌کانم ده‌له‌رزی

چیت له‌ من کرد ئه‌ی خه‌یاڵ؟؟؟

چیم له‌تۆ ویست که‌وا مه‌حروومم ده‌که‌یت؟؟چیت له‌من ویست و نه‌مکرد بۆت؟؟

خه‌می نه‌بوونیت وه‌ک خووره‌ هه‌موو گیانم ده‌خواو ده‌رمانێ نیه‌ که‌ به‌رامبه‌ری بوه‌ستم

ئاخر تۆ ته‌نها ئو‌مێد و ته‌نها نیازی شه‌وانه‌م بووی

ئه‌مه‌وێت بنوسم

له‌چاوانی ته‌ڕ و دڵێکی پڕ له‌ خه‌م و ئاره‌زوو و نیازی بێهوده‌

هێشتا ده‌سته‌کانم ده‌له‌رزن و ده‌مه‌وێت دڵته‌نگی خۆم به‌ نووسین بڕوێنم

نانوسم که‌ چۆن ده‌تپه‌ره‌ستم

ده‌نووسم که‌ چۆن گیان ده‌ده‌م له‌ ژێر پێت و نامبینی

ده‌مه‌وێت بنوسم به‌ڵام بۆ چی؟؟؟

ده‌زانم که‌ تۆ نه‌خوێندوو نامه‌کانم فڕێ ده‌ده‌یت

چیتر نامه‌وێت بنوسم

نامه‌وێت باسی قه‌ول و سوێنه‌کانت بکه‌م

نامه‌وێ باسی مه‌رگی دڵێکی ساده‌ و پاکت بۆبکه‌م

نامه‌وێت بنوسم که‌ چۆن جێت هێشتم

نامه‌وێت بنوسم که‌ چۆن له‌ بیرت کردم

ده‌زانی؟

هاوڕێکانم ده‌ڵێن که‌ ئه‌گه‌ر له‌ لام نه‌بی پێکه‌نین له‌ رووما ئه‌نیشێ

ده‌ڵێن گه‌ر لام نه‌بی دووباره‌ دێته‌وه‌ یادم که‌ به‌هاریش وه‌رزێکه‌

ده‌ڵێن گه‌ر له‌ بیرم نه‌بی ئه‌وا ژیانم خۆش ده‌بێ

به‌ڵام تۆ خۆت لێم مه‌شاره‌وه‌ توخوا

ئه‌وان وا ده‌ڵێن به‌ڵام من هێشتا هه‌موو وه‌رزه‌کان لام پاییزه‌

هێشتا دڵم بارانیه‌ و گریان شه‌وانه‌ قورگم ده‌گرێ

هێشتا له‌ نه‌بوونیتا بێ ده‌سه‌ڵات و سه‌رگه‌ردانم

هێشتا ده‌سته‌کانم ده‌سته‌کانتی ده‌وێ

هێشتا سه‌یری هه‌ر شوێنێ ده‌که‌م تۆ ده‌بینم

هه‌ر ده‌نگێ ده‌بیستم وا ده‌زانم ده‌نگی تۆیه‌

هێشتا به‌ ده‌نگی هه‌ر هه‌نگاوێک که‌ دێت ڕاده‌چلکێم و، وا ئه‌زانم تۆیت هاتوویت

هێشتا له‌ خۆشه‌ویستیتا ئازار ده‌کێشم

توخوا بڕۆ و چیتر مه‌گه‌ڕێوه‌ ناو خه‌یاڵم

بڕۆ و دوور به‌ له‌ من

چیتر نامه‌وێت بیر له‌ تۆ بکه‌م و شه‌و بکه‌مه به‌یانی

چیتر نامه‌وێ به‌ عه‌شقی تۆوه‌ بژیم

بڕۆ و دوور به‌ له‌ عه‌شق
بڕۆ دوور به‌ له‌ من
بڕۆ دور به‌ ئه‌ی یار
ئه‌ی خه‌رابترین یار ‌


söndag, juli 06, 2008

گه‌ر له‌ دونیا بمتوانیایه‌ شتێکی که‌ بم ئه‌وا فرمێسکی تۆ ده‌بووم

که‌ له‌ ناو چاوه‌کانت له‌ دایک بم و

له‌ سه‌ر گۆنات ژیان که‌م و له‌ سه‌ر لێوت بمرم
måndag, juni 09, 2008

نزایه‌کی که‌وتوی سه‌ر شه‌قام
بۆ: دوعا
“هاوارێک له‌ کاتی ته‌سلیمکردنی ئه‌شقه‌ به‌به‌رد کراوه‌که‌ی”
ئه‌و پیاسانه‌ی له‌ پێش ماڵمانا ده‌یکردن
نه‌سیمی ئێواران وردی نه‌ده‌کرنه‌وه‌ گۆرانی.
ئه‌و،

له‌و کاته‌وه‌ که‌ خۆربریسکه‌ی هێنا له‌ ملوانکه‌ی “الله ڕکبر” ه‌که‌ی
بووه‌ هێما،
له‌ ناخیشما قریشکه‌ی تاووسێک
فڕاندمیه‌ ئاسمان و
خستمیه‌ باوه‌شی شتێکی تر
که‌ دایکم نه‌بوو.
ده‌ستی هانام به‌رزکردنه‌وه‌ له‌ حزووری ئاگرا:
“ئه‌ی خوا،
ئه‌ی مه‌له‌کی تاووس،
ئه‌م چیرۆکه‌ قه‌ده‌ری چ دۆزه‌خێکه
‌وا به‌ ناوچه‌وانی رۆژانمه‌وه‌؟”
ئه‌و رۆژه‌ی حه‌شاماتی ئیماندار به‌هاوار هاوار هاتن و
پرچڕاکێشیان کردمه‌ ناو سوپایه‌ک توڕه‌یی،
سوپایه‌ک له‌ سمێل و ریش،
که‌ بۆنی ئاره‌قه‌و تووڕه‌یی له‌ بن هه‌نگڵیان ده‌تکا.
ئه‌وان ،
وه‌ک ئازاری رقێکی میژوویی له‌ دڵیانا بێ
وه‌ک هه‌ڵمه‌تی هه‌ڵۆیه‌ک
بۆ فڕاندنی فرسه‌تی تۆڵه‌ی گریانێکی ئه‌به‌دی
ئه‌هاتن و شه‌قیان له‌ سکم ده‌دا.
به‌رده‌کان سه‌ره‌تا بچوک بوون، به‌ڵام:
• که‌ به‌ر پشتم ده‌که‌وتن، تونێلێکیان هه‌ڵده‌کۆڵی هه‌تا دڵم.
• که‌ به‌ر سکم ده‌که‌وتن، چه‌پۆکی ئه‌هریمه‌ن بوون بۆ خه‌ونی مناڵه‌کانی داهاتوم.
• که‌ به‌ر سه‌ریشم ده‌که‌وتن، بریقه‌ی بێده‌نگییه‌کی خوایی بوو، بانگی ده‌کردم.
ئه‌و ساتانه‌ی به‌رد که‌مده‌بوونه‌وه‌
هاوار و گریه‌ی پیاوان
پرسیارێکی هه‌ڵواسراوی وێڵ بوو:-

بۆ واده‌که‌ن؟ چییان ده‌وێ له‌ جه‌سته‌ی من؟

- بۆ کراسه‌که‌م هه‌ڵئه‌ده‌نه‌وه‌ و وێنه‌ی رانه‌کانم ئه‌گرن؟
جار جار بیرم ئه‌کرده‌وه‌:

ئێستا ئه‌میری کوردان له‌گه‌ل سواره‌ جوامێره‌کانی

ده‌ووری ئه‌و حه‌شاماته‌ ئه‌ده‌ن و نایه‌ڵن بمکوژن

نامه‌وێ بمرم

،مردن ئازاری زۆره‌ و

خۆشه‌ویستم چاوه‌ڕێمه‌.
بیرم ئه‌کرده‌وه‌:

یان کوڕێک له‌ کوڕانی گه‌ڕه‌ک باوه‌شم پیا ئه‌کا و

لێیان ئه‌پاڕێته‌وه‌ که‌ له‌جییاتی من له‌و بده‌ن.
بیرم ئه‌کرده‌وه‌:یان پیرێک له‌ پیرانی ئیمان

عه‌ساکه‌ی هه‌ڵئه‌بڕێ و ئه‌ڵێ:

- مه‌له‌کی تاووس تووڕه‌ مه‌که‌ن

- مه‌له‌کی خۆشه‌ویستی ناتوانێ ئازاری کچان ببینێ.
یان پیرێک هاوار ئه‌کا:

- نه‌یه‌ڵن ئه‌و نه‌فسه‌ ده‌رچێ.
بیرم ئه‌کرده‌وه‌:

یان شێخێک پاش ئه‌وه‌ی

ئه‌و هه‌موو خوێنه‌ی نێوچه‌وانم ده‌بینێ

ده‌ستی له‌ پشتێنه‌که‌ی دێنێته‌ ده‌ر.
شێخێک ئه‌ڵێ:

- سێ به‌رد و سێ شه‌ق و سێ مستی که‌ی پیاکێشن و با به‌س بێ.
ئه‌گه‌ر چاوم ئه‌کرده‌وه‌ده‌نگه‌ ده‌نگ و هاوار هاوار بوو

چاوه‌کان سوور بوون

ته‌ڕایی تفه‌کان ئه‌که‌وتنه‌ سه‌ر روومه‌ت و ناو ده‌مم

تریشقه‌ی ئازارێکی تر له‌ ناوچه‌وانمه‌وه‌ ئه‌هات و

گه‌رمایی فیچقه‌ی خوێنێکی فرۆشراو ئه‌هات و

له‌پڕ وه‌ک وورده‌ کانیله‌ له‌ شوێنی تره‌وه‌شه‌قامه‌ قیرتاوه‌که‌یان سوور ده‌کرد.
بۆنی خوێنم نه‌کردبوو

بۆنی خوێن ده‌فته‌رێکی به‌زه‌یی توڕدراو بوو

هه‌رکه‌سه‌ چیرۆکی لاپه‌ڕیه‌کی هه‌تک ئه‌کرد

بۆنی خوێن،

تاقه‌ په‌یامی توڕه‌یی ئه‌و جه‌معه‌ بووبۆ زیاتر تۆقاندنم.
له‌وێوه‌ بێده‌گی زیاتر باوه‌شی پیا ئه‌کردم،

هه‌ناسه‌کانم به‌ گرمه‌ی بلۆکێکی دڵڕه‌ق کورتتر ئه‌بوونه‌وه‌،

خه‌یاڵه‌کانیشم ئه‌بوونه‌ شه‌ماڵی ئامێزی زوڵمێک که‌ به‌س خۆم ئه‌مبینی.


له‌وێوه‌،

گه‌نجانی شار

رووه‌و ئاوێنه‌ی عه‌شقه‌ شاراوه‌کانیان ئه‌بوونه‌وه

‌له‌ پێش شکاندنی مومیای ئاڵتونی ئه‌و عه‌شقه‌ی مناخۆیان تووڕه‌تر ئه‌نواند

هه‌ر له‌وێ،

زه‌مه‌نیان کورتکرده‌وه‌ بۆ زه‌مه‌نی تێکشکانی جه‌سته‌،

“جوانیی جه‌سته‌یان تێکئه‌شکان ئه‌وانه

‌”مه‌له‌کی تاووسیش له‌ ئاوێز ناشرینییا سه‌رگه‌ردان،

ئه‌وان هه‌ر هاواریان ئه‌کرد کاتێک

پۆلێک فریشته‌ ده‌ستیان دایه‌ باڵه‌کانم

ئه‌وان هه‌ر هاواریان ئه‌کرد کاتیێک

من دامه‌ شه‌قه‌ی بال
lördag, maj 31, 2008




ئه‌مشه‌و له‌و شه‌وانه‌یه‌ که‌ دڵم بیری تۆی کردووه‌



سه‌یری هه‌ر شوێنێک ئه‌که‌م جگه‌ له‌ ڕه‌شایی چاوه‌کانی تۆ هیچ شتێکی تر نابینم



ئه‌مشه‌و له‌و شه‌وانه‌یه‌ که‌ حه‌ز ئه‌که‌م سه‌ر بخه‌یته‌ سه‌ر سینگم و هێنده‌ت لایه‌ لایه‌ بۆ بکه‌م تا چاوه‌ جوانه‌کانی تۆ خه‌و دایده‌گرێ



ئه‌مشه‌و حه‌ز ئه‌که‌م لێوم بخه‌مه‌ سه‌ر لێوت و به‌ هه‌ر ماچێک له‌ لێوه‌کانت ته‌مه‌نێ تازه‌ که‌مه‌وه‌



ئه‌مشه‌و ئه‌مه‌وێ تا به‌یانی له‌ نیگاتا وون بم



ڕه‌نگه‌ بتوانم له‌ هه‌ر نیگایه‌کتا ناوێکی تازه‌ بۆ ئه‌م هه‌سته‌م بدۆزمه‌وه‌



ئه‌مشه‌و ئه‌مه‌وێ تا به‌یانی سه‌ر بخه‌مه‌ سه‌ر سینگت



تا به‌ بیستنی هه‌ر ترپه‌یه‌کی دڵت مه‌ست و شه‌یدا بم و شه‌و بکه‌مه‌ به‌یانی


ئه‌مشه‌و ئه‌مه‌وێ پێت بڵێم


بێ تۆ من نه‌ ژیانم ئه‌وێ نه‌ مردن


خۆشم ئه‌وێیت


هه‌ناسه‌که‌م
tisdag, maj 13, 2008



دایکی من ڕۆژت پیرۆز


ویستم تا بۆ دایکی خۆم شیعرێک بڵێم به‌ڵام نه‌متوانی به‌ دروست کردنی هیچ وه‌زن و قافیه‌یه‌کی درۆیی که‌ له‌ ناخما نایه‌ت بنووسم


دواتر که‌س ناتوانێ هه‌تا له‌ شیعریشا بێت باسی دایکی من بکا


ته‌نیا یه‌ک شت هه‌یه‌ بیڵێم دایه‌ گیان ئه‌ویش ئه‌وه‌یه‌


خۆشم ده‌وێی تا ئه‌و کاته‌ی گیان له‌ له‌شما نه‌چووته‌ ده‌ر


تا ئه‌و ساته‌ی ده‌ژیم پێویستیم پێته‌


ئه‌ی میهره‌بانترین مه‌خلوقی ئیلاهی مه‌رگم پێش مه‌رگت که‌وێ


ڕۆژت پیرۆز دایه‌ گیان