هه‌نیسک
onsdag, november 23, 2005
تۆ بڵێی ڕۆژێک له ڕۆژان ببمه قوومه ئاوێک و بچمه ده‌روونته‌وه؟؟
تۆ بڵێی ڕۆژێ ببمه هه‌ناسه‌یه‌ک و بچمه دڵته‌وه؟
تۆ بڵێی ببمه وشه‌یه‌ک و بچمه ناخته‌وه؟
قه‌ت ئه‌و ڕۆژه به چاوی خۆم نابینم
ئه‌و ڕۆژه له ئاسۆی بینایی منی داماو چۆن هه‌ڵدێ؟؟؟؟؟ نابێ
.............................
چه‌نده‌ی گه‌وره بم ئه‌ونده ڕقم له خۆمه،چونکه
،ناتوانم له ده‌رگای دڵته‌وه بێمه ژووره‌وه
ئه‌وه‌نده‌ی بچوک بم حه‌ز ده‌که‌م
تاکو به ئاسانی ده‌رگای دڵت بشکێنم
سنووری دڵت ببه‌زێنم خۆم بکه‌م به ماڵی دڵت
ئه‌و کات با له‌وێ دوا هه‌ناسه بده‌م
خۆ به ئاواتم ده‌گه‌م
...................................
گیانه‌که‌م خۆشی من ئه‌و کاتانه‌یه که به دیار چاوه جوانه‌کانی تۆوه دانیشتووم
ئه‌گه‌ر نه ژیان بێ تۆ، ژیانی دوور له تۆ چ تامێک ، ج بۆنێکی هه‌یه؟؟؟؟
خۆزگه ڕۆژيک ده‌هاتوو پڕ به باوه‌شم هه‌ڵمده‌گرتی
تاوه‌کوو تینم له جه‌سته بوایه
بمگوشیبای
وه‌کو هه‌موو دڵدارێک تێر تێر له ئامێزم بکردبای
وه‌ک ڕه‌سمه‌کان له خه‌یالما تێر تێر ماچم بکردبای
به‌ڵام ئاخ
ئه‌و ڕۆژه ئه‌ونده دووره لێم که ته‌نانه‌ت هه‌وڵ ناده‌م خه‌ونیشی پێوه ببینم
0 Comments:
موزیک